Баталгаажуулалт буюу төлбөр төлөлт

МУИС-ийн сургалтын систем нь банкны онлайн төлбөр тооцооны системтэй холбогдсон бөгөөд тус сургуулийн оюутнууд сургалтын төлбөрөө онлайн гүйлгээний эрхтэй, дотоодын картаар төлөх болно. Онлайн төлбөрийн системээс гадна оюутан аль ч банкаар үйлчлүүлэн төлбөрөө хийх боломжтой. Хичээл сонголтыг баталгаажуулсанаар та тухайн хичээлд албан ёсоор бүртгэгдэх ба  баталгаажуулахын тулд  тухайн улиралд судлах кредитийн төлбөр болон суурь хураамж заавал төлөх болно. Хичээл баталгаажуулсаны дараа хичээлийг цуцлах бол нэмэлт төлбөр төлөх болохыг анхааран сонголтоо хариуцлагатай хийгээрэй. Оюутан та дараах хэлбэрүүдээр төлбөрөө хийх боломжтой. Үүнд:

• Онлайн төлбөрийн системийг ашиглан төлбөр төлөх
• Дансны үлдэгдлээр буюу нябогийн шивсэн төлбөрөөр төлбөр төлөх
• PayBill үйлчилгээгээр төлбөр төлөх

Онлайнаар төлбөр төлөх

Сонгосон хичээлээ онлайн төлбөрийн системээр баталгаажуулахын тулд товчин дээр дарна. Энэ товчин дээр дарсны дараа төлбөл зохих төлбөр банк болон үлдэгдлээр баталгаажуулах товчийн хамт харагдана. Таны SISi-ийн дансанд байрлах илүү болон дутуу төлөлт одоогийн хичээл сонголтын төлбөрт тооцогдоно. (Жишээ нь: Таны дансанд 200’000 төгрөгний илүү төлөлт байгаа бөгөөд та 500’000 төгрөгний хичээл сонгож байгаа тохиолдолд та 300’000 төгрөг төлнө. Эсвэл та 200’000 төгрөгний дутуу төлөлттэй бол та 700’000 төгрөг төлнө.) SISi дэх дансны үлдэгдлийг баталгаажсан кредитийн мэдээлэл хэсгээс харна уу.

Аль банкаар төлбөр төлөхөөс шалтгаалан тухайн банкны систем дуудагдах ба сонгосон кредит цаг болон суурь хураамжийг нэхэмжилсэн хуудас банкны системд очно.

Хаан банк:

Төлбөрийн картны мэдээллийг зөв оруулснаар банкны системээс тухайн картны гүйлгээний E-pin кодыг асууна. E-pin кодыг ХААН Банкны дурын АТМ-с авна. Асууж тодруулах зүйл байвал ХААН Банкны лавлах 1917 болон callcenter@khanbank.com хаягаар хандана уу.

Голомт банк:

Картны мэдээллийг зөв оруулж Төлбөр хийх товчин дээр дарснаар банкны системээс тухайн картны гүйлгээний E-code -ийг асуух болно. E-code -ийг харилцах банкны салбаруудаас авна.

Дансны үлдэгдлээр төлбөр төлөх

Сургалтын төлбөрөө сургуулийн дансанд тушаачихсан байгаа оюутнуудын хувьд төлбөр төлсөн баримт / капитанз /-аа өөрийн сургуулийн нябо-д өгнө. Нябо төлбөрийн хэмжээг системд шивж оруулсны дараа тухайн оюутны SISi дансанд төлбөр байршина. Үүнээс гадна төрийн сангийн буцалтгүй тусламж, тэтгэлэг зэргийг оюутан таны SISi дансанд нябо мөн адил шивж оруулна.

Сонгосон хичээлээ дансны үлдэгдлээр баталгаажуулахын тулд товчин дээр дарна. Хэрвээ таны дансанд төлбөр нь шивэгдсэн бол Төлбөрийг данснаас авах товч идэвхжих болно.

PayBill үйлчилгээгээр төлбөр төлөх

Та PayBill үйлчилгээгээр төлбөрөө төлөхийн тулд ердөө салбар сургуулийнхаа харилцах дансны дугаар, SISI системд нэвтрэх хэрэглэгчийн нэрээ мэддэг байхад хангалттай. 

Энэ үйлчилгээний давуу тал нь:

• Оюутан заавал карт ашиглах шаардлагагүй
• Оюутан аль ч банкаар үйлчлүүлэн төлбөрөө төлж болно
• Оюутан банк хоорондын гүйлгээ хийх боломжтой
• Оюутан өөрийн биеэр банкны теллерээр үйлчлүүлэхээс гадна төлбөр төлөх бусад хэлбэрүүдийг ашиглаж болно. Үүнд: интернет банк, смарт банк, mobile банк гэх мэт
• Оюутны төлсөн төлбөр SISi дэх дансны үлдэгдэлд нэмэгдэн орно
• Төлбөр төлсний дараа оюутан SISi системд нэвтрэн орж, SISi дэх дансны үлдэгдлээр хичээлээ баталгаажуулна

Үйлчилгээнд тавигдах шаардлага:

• Оюутан салбар сургуулийнхаа Хаан болон Голомт банкин дахь харилцах дансны дугаарыг мэддэг байх
• Оюутан SISi системд нэвтрэх хэрэглэгчийн нэр буюу SISi ID-гаа мэддэг байх
• SISi ID-г зөвхөн латин үсгээр бичнэ.
• Аль ч төрлийн гүйлгээ хийхэд гүйлгээний утга хэсэгт SISi ID-г хамгийн эхэнд бичнэ
• Жишээ нь:

Гүйлгээний утга: 14B1SAS1234  

Гүйлгээний утга: 14B1SAS1234 Овог Нэр / SISi ID-ний араас зай аваад дурын текст бичиж болно/

Анхааруулга:

• Уг үйлчилгээг сонгон төлбөрөө төлсний дараа SISi системд нэвтрэн орж SISi дэх дансны үлдэгдлээр хичээлээ баталгаажуулах шаардлагатай.
• Нэг сая төгрөг доторх Голомт банкны дансанд хийсэн банк хоорондын гүйлгээ манай системд шууд (real time) бүртгэгдэх бол Хаан банкны дансанд хийсэн банк хоорондын гүйлгээ 10 минутын дараа бүртгэгдэх болно.
• Нэг сая төгрөгөөс дээш банк хоорондын гүйлгээ ажлын өдрүүдэд 16 цагаас өмнө 15-30 минутын хугацаанд шилждэг бол, 16 цагаас хойшхи гүйлгээ дараагийн ажлын өдрийн 10 цагт багтан шилжин орно

МУИС-ийн Хаан болон Голомт банктай харилцах данс:

Хичээл амжилттай баталгаажсан эсэхийг шалгах

Хичээл баталгаажуулалт амжилттай болсон тохиолдолд баталгаажсан хичээл дараах байдлаар харагдана. Мөн дүнгийн мэдээлэл хэсэгт хичээлийн нэр орсон байх болно.

Мөн оюутны эрхийн нүүр хэсэгт баталгаажсан хичээлийн мэдээлэл харагдах болно.

Санамж:

• Төлбөрийг бэлнээр төлсөн тохиолдолд нябо төлбөрийг заавал оюутан таны үлдэгдэлд шивж өгөх ёстой.
• Төлбөрийг онлайнаар төлөх бол заавал онлайн гүйлгээ хийх эрхтэй картаар хийнэ.
• Банкны карт нь заавал таны карт байх албагүй.
• Төлбөр төлөх банк нь салбар сургууль тус бүрт харилцан адилгүй бөгөөд тухайн сургуульд гэрээтэй банкаар л оюутан та төлбөрөө төлөх боломжтой.
• Баталгаажуулалтыг Хичээлд бүртгүүлэлт ( баталгаажуулалт ) -ийн хугацаанд хэдэн ч удаа хийж болох бөгөөд эхний баталгаажуулалтаар суурь хураамжийг авна. Дараа дараагийн баталгаажуулалтын үеэр суурь хураамж авахгүй болно.
• Банкны системээс SISi системд амжилттай хариу илгээгээгүйн улмаас таны төлбөр төлсөн картнаас мөнгө нь хасагдсан боловч хичээл баталгаажаагүй тохиолдолд сонгосон хуваарьтаа өөрчлөлт оруулахгүйгээр МТА-д хандана уу.
• Баталгаажуулсан хичээлээ оюутан та баталгаажуулалтын хугацаанд өөрөө цуцлах боломжтой бөгөөд цуцалсан хичээлийн кредитийн төлбөр таны SISi үлдэгдэлд орох болно. Тухайн хичээлийг хэзээ цуцлахаас хамааран таньд буцаан олгох кредитийн төлбөр өөр өөр тул сургалтын журамтай сайтар уншиж танилцана уу.
• Төлбөртэй холбоотой бусад асуудлыг сургалтын журмаас харна уу. Журам http://www.num.edu.mn/contentpage.htm?mtype=0&mid=4

Created with the Personal Edition of HelpNDoc: Single source CHM, PDF, DOC and HTML Help creation