Дүнгийн мэдээлэл нь оюутны сурлагын чанарыг улирал бүрийн, мөн нийт суралцсан хугацааны голч оноо болон голч дүнгээр тодорхойлсон баримт байна. Оюутан та үндсэн цэсний Дүн -> Мэдээлэл хэсгээс нийт болон тодорхой улирал хооронд суралцсан хугацааны дүнгийн мэдээллийг харах болон хэвлэх боломжтой. Тодорхой улирал хоорондох дүнгийн мэдээллээ харах болон хэвлэхдээ хичээлийн жил болон улирлаа оруулан харгалзах товчин дээр дарснаар дүнгийн мэдээлэл гарч ирэх болно.

Тайлбар:

Оюутны сурлагын чанарыг улирал бүрийн, мөн нийт суралцсан хугацааны голч оноо болон голч дүнгээр тодорхойлно.

Голч оноо - Багц цаг бүхий хичээл бүрээр оюутны авсан оноог багц цагаар нь үржүүлж, тэдгээрийн нийлбэрийг багц цагийн нийлбэрт хувааж (арифметикийн жигнэсэн дундаж), таслалаас хойш нэг орны нарийвчлалтай бодож гаргана.

Голч дүн - Оюутны эзэмшсэн мэдлэг, чадварын тоон болон чанарын үнэлгээний нэгдэл бөгөөд голч онооны адил аргачлалаар бодно.

Хувьчилсан оноо, үсгээр илтгэсэн дүн ба тоогоор илтгэсэн дүнгийн хоорондын холбоо дараах хэлбэртэй байна / 9 баллаар /. Үүнд:

     

Голч оноо, голч дүн бодоход A,A-,B,B-,C,C-,D,D-,F үнэлгээнээс бусад нэмэлт үнэлгээнүүд орохгүй болно. Үүнд:

     

Жишээ: Дээрх оюутны дүнгийн голч оноо, голч дүнг бодох аргыг дэлгэрэнгүй тайлбарлая.

2013-2014 оны намрын буюу тухайн Улирлын голч оноо:

   

2013-2014 оны намрын буюу тухайн Улирлын голч дүн:

   

Нийт суралцсан хугацааны голч оноо:

      Анхаар: Нийт суралцсан хугацааны голч оноо, голч дүнг бодоход 1 хичээлийг олон үзсэн бол хамгийн сүүлд авсан дүнгээр бодно. Дээрх жишээнд оюутан Англи хэл (Анхан дунд) хичээлийг 2013-2014 оны намрын улиралд судлаад 0 NR дүн авсан бөгөөд энэ нь амжилттай судалсан дүн биш тул дараагийн буюу 2013-2014 оны хаврын улиралд ахин судалж 0 W үнэлгээ авсан байна. Энэ нь Англи хэл (Анхан дунд) хичээлийн хамгийн сүүлийн дүн учир энэ дүнгээр голч оноо болон голч дүн бодогдоно. Гэхдээ оюутан 0 W буюу амжилттай судлаагүй тул голч оноо болон голч дүн бодоход энэ хичээлийн дүн огт тооцогдохгүй гэсэн үг юм.

   

Нийт суралцсан хугацааны голч дүн:

   

Санамж:

• Нийт суралцсан хугацааны голч оноо болон голч дүнг бодохдоо 1 хичээлийг олон удаа сонгож судалсан бол хамгийн сүүлд авсан дүнгээр бодно.
• A,A-,B,B-,C,C-,D,D-,F үнэлгээнээс бусад нэмэлт үнэлгээнүүд голч оноо болон голч дүн бодоход нөлөөлөхгүй.
• Тухайн улиралд судалж буй хичээлийн дүнг багш системд тавигдсан шалгалтын хуваарийн дагуу шалгалт авсан өдрөөс эхлэн ажлын 5 хоногийн дотор оруулах ёстой. Жишээ нь: Математик I хичээлийн эцсийн шалгалт 2014.5.20-нд авагдсан бол багш 2014.5.27-ны дотор дүнгээ оруулах ёстой юм. Энэ хугацаанд багш таны дүнг буруу оруулсан тохиолдолд засах эрхтэй. Хэрвээ энэ хугацаа өнгөрсөн тохиолдолд багш таны дүнг засвал энэ нь засварлагдсан дүн болох бөгөөд СА-ны эрхлэгч зөвшөөрч байж оюутан таны жинхэнэ дүн болох болно.
• Та дүн орох хугацаагаа Хуваарь -> Шалгалтын хэсгээс тооцоолон харах боломжтой.
• Багш A,A-,B,B-,C,C-,D,D-,F үнэлгээнээс гадна I, E, W үнэлгээг тавих эрхтэй. Эдгээрээс бусад үнэлгээг салбар СА-ны мэргэжилтэн тавина.
• Өмнөх оны дүн ороогүй тохиолдолд багш дүн оруулах эрхгүй бөгөөд энэ асуудлыг СА-ны мэргэжилтэн шийднэ.
• Хэрвээ таны судлаад дүнгээ авчихсан байсан хичээлийн дүн алга болсон тохиолдолд Мэдээллийн технологийн албаар шалгуулж болно. Дүн алга болох шалтгаан нь СА-ны мэргэжилтэн тухайн хичээлээс таны нэрийг хассанаас болно. Систем дээрээс зүгээр байж байгаад алга болох үндэс байхгүй. Хэн гэдэг ажилтан, хэдэн сарын хэдэнд таны дүнг устгасан бэ? гэдгийг МТА / Хичээлийн 2-р байрны өргөтгөлийн 501 тоот / шүүж өгөх боломжтой.

Created with the Personal Edition of HelpNDoc: iPhone web sites made easy